Dilynwch Sali Mali, Jac y Jwc a Jac Do wrth iddyn nhw droedio llwybrau'r goedwig, ar lan y môr ac yn y gors. Mae'r tudalennau'n cynnwys darluniau lliwgar, llawn manylder sy'n wych ar gyfer helpu plant i adnabod a gwahaniaethu rhwng adar, trychfilod, coed a blodau amrywiol sydd yn eu hamgylchedd naturiol. Mae'r naratif yn ennyn diddordeb y plant drwy ofyn cwestiynau uniongyrchol iddyn nhw, e.e. Wyt ti'n gallu gweld... Mae'n gyfle gwych i helpu plant o amrywiaeth o ddiwylliannau i ddysgu am fyd natur gan gadw at ffeithiau ac ieithwedd syml. Mae'n cyflwyno geiriau ychydig yn fwy anghyfarwydd i Gymry Cymraeg, gan sicrhau cyfle i bawb ddysgu rhywbeth o'r newydd. Heb anghofio wrth gwrs, y cyfle i chwilio am bethau gwahanol sy'n cuddio o fewn y darluniau. Mae'n llyfr perffaith i ennyn diddordeb plant at fyd natur a'i ryfeddodau a pha mor bwysig ydyw, a bod angen i bawb ei barchu a gofalu amdano. -- Cyhoeddwr: Atebol